Hyundai i20 Sportz : ప్రముఖ దక్షిణ కొరియా ఆటోమేకర్ హ్యుందాయ్ ఇండియా భారతీయ మార్కెట్లో(Indian Market) ఐ20 స్పోర్ట్జ్ (O) కొత్త కారు వేరియంట్‌ను విడుదల చేసింది. ఈ హ్యాచ్‌బ్యాక్ కొత్త ట్రిమ్ రూ.8.73 లక్షలు(ఎక్స్-షోరూమ్) ధరతో అందుబాటులో ఉంది. ఈ కారు వెర్షన్ స్పోర్ట్జ్ వేరియంట్‌పై ఆధారపడి ఉంటుంది. ధర పరంగా చూస్తే.. స్పోర్ట్జ్ ట్రిమ్ రూ.8.37 లక్షలు(ఎక్స్-షోరూమ్) నుంచి ప్రారంభమవుతుంది. డ్యూయల్ టోన్ పెయింట్ స్కీమ్‌లో కూడా అందుబాటులో ఉంటుంది.
ఎలక్ట్రికల్ సన్‌రూఫ్ ఫీచర్లు :
హ్యుందాయ్ i20 భారత మార్కెట్లో ఎరా, మాగ్నా, స్పోర్ట్జ్, ఆస్టా, ఆస్టా(O) వంటి 5 వేరియంట్‌లలో అందుబాటులో ఉన్నాయి. వీటిలో ఎరా బేస్ వేరియంట్, 5-స్పీడ్ మ్యాన్యువల్(Manual) గేర్‌బాక్స్‌తో రూ.7.04 లక్షల(ఎక్స్-షోరూమ్) ధరతో వస్తుంది. డ్యూయల్-టోన్ పెయింట్ స్కీమ్, IVTతో కూడిన Asta(O) కారు అత్యంత ఖరీదైన వేరియంట్(Varient) కాగా.. రూ. 11.21 లక్షలకు (ఎక్స్-షోరూమ్) విక్రయించనుంది. ప్రస్తుతం కొత్త స్పోర్ట్జ్(O) వేరియంట్.. స్పోర్ట్జ్ వేరియంట్ కన్నా రూ.35,000 ఖరీదైనది. అదనపు ధరకు బ్రాండ్ డోర్ ఆర్మ్‌రెస్ట్‌పై లెథెరెట్ ఎండ్, వైర్‌లెస్, ఎలక్ట్రికల్‌గా ఎడ్జెస్ట్ చేయగల సన్‌రూఫ్ వంటి ఫీచర్లను అందిస్తుంది.
పవర్‌ట్రెయిన్ విషయానికి వస్తే..
హ్యుందాయ్ i20 స్పోర్ట్జ్ 1.2-లీటర్ పెట్రోల్ ఇంజన్‌ను అందిస్తుంది. 82bhp శక్తిని 115Nm గరిష్ట టార్క్‌ను అందిస్తుంది. ఇంజిన్ 5-స్పీడ్ మాన్యువల్, iVT గేర్‌బాక్స్‌తో పనిచేస్తుంది. ఈ హ్యాచ్‌బ్యాక్ స్పోర్ట్జ్ వేరియంట్ మాన్యువల్ గేర్‌బాక్స్, iVT ఆప్షన్లతో కూడా అందుబాటులో ఉందని గమనించాలి. హ్యుందాయ్i20 అనేది భారతీయ మార్కెట్లో విక్రయించే ప్రధాన ప్రీమియం హ్యాచ్‌బ్యాక్‌లలో ఒకటిగా చెప్పవచ్చు.
ఇతర కంపెనీలైన మారుతి సుజుకి బాలెనో(Maruti Suzuki Baleno), టాటా ఆల్ట్రోజ్‌ (Tata Altroz)లకు పోటీగా ఈ హ్యుందాయ్ వచ్చింది. మారుతి సుజుకి నుంచి ప్రముఖ హ్యాచ్‌బ్యాక్ ప్రారంభ ధర రూ.6.66 లక్షలు(ఎక్స్-షోరూమ్), టాటా మోటార్స్ నుంచి కారు ప్రారంభ ధర రూ.6.60 లక్షలు (ఎక్స్-షోరూమ్)కు అందుబాటులో ఉన్నాయి.
ఫీచర్లు ఇవే :
హ్యుందాయ్ i20 వేరియంట్ కొన్ని అదనపు ఫీచర్ల(Additional Features)ను కలిగి ఉంది. కొత్త ఫీచర్లతో పాటు, LED హెడ్‌లైట్ సెటప్, L-ఆకారపు LED DRL, సైడ్‌లలో మంచి క్లాడింగ్, పైభాగంలో షార్క్ ఫిన్ యాంటెన్నాతో కూడిన స్పోర్ట్జ్ ట్రిమ్ వంటి స్టైల్ స్టేట్‌మెంట్‌లతో హ్యాచ్‌బ్యాక్ ఉంది.
ఇంజిన్ పవర్ :
హుడ్ కింద, వెహికల్ 1.2-లీటర్ పెట్రోల్ ఇంజన్‌తో పనిచేస్తుంది. ఈ యూనిట్ గరిష్ఠంగా 82BHP, 115 Nm శక్తిని ఉత్పత్తి చేస్తుంది. పవర్‌ట్రెయిన్‌లో 5-స్పీడ్ మాన్యువల్ గేర్‌బాక్స్ అమర్చబడి ఉంటాయి. కస్టమర్‌లు అనేక భూభాగాల్లో డ్రైవింగ్ చేసేందుకు వీలుగా ఈ కారును రూపొందించారు.
Published 06 Feb 2024
