
గూగుల్ పేరెంట్ కంపెనీ అల్ఫాబెట్ కు స్టాక్ మార్కెట్లో డిమాండ్ పెరిగి ప్రపంచ కుబేరుల స్థానాలు మారాయి. ‘ఫోర్బ్స్ రియల్ టైమ్ బిలియనీర్స్’ లిస్టులో గూగుల్ కో-ఫౌండర్ లారీ పేజ్ రెండోస్థానంలో నిలిచారు. ఒరాకిల్ కో-ఫౌండర్ లారీ ఎలిసన్ తోపాటు గూగుల్ మరో కో-ఫౌండర్ సెర్గీ బ్రిన్ ను సైతం అధిగమించారు. నంబర్-1గా 476.4 బి.డాలర్లతో మస్క్, 264.9 బి.డా.తో లారీ పేజ్ రెండు, 247.4 బి.డా.తో ఎలిసన్ మూడు, 245.6 బి.డా.తో సెర్గీ బ్రిన్ నాలుగు, 241.5 బి.డా.తో జెఫ్ బెజోజ్ ఐదు స్థానాల్లో ఉన్నారు.