శ్రీసింహా కోడూరి, నేహా సోలంకి హీరో హీరోయిన్లుగా నటిస్తున్న కొత్త సినిమా భాగ్ సాలే. ప్రణీత్ బ్రహ్మాండపల్లి దర్శకత్వంలో క్రైమ్ కామెడీ గా ఈ సినిమా తయారైంది. స్టార్ బాయ్ సిద్ధు జొన్నలగడ్డ వాయిస్ ఓవర్ తో సాగే ఈ మూవీ.. జులై 7న రిలీజ్ కు సిద్ధంగా ఉంది. వేదాన్ష్ క్రియేటివ్ వర్క్స్ బ్యానర్ పై బిగ్ బెన్, సినీ వ్యాలీ మూవీస్ అసోసియేషన్ తో.. అర్జున్ దాస్యన్, కళ్యాణ్ సింగనమల, యష్ రంగినేని ఈ మూవీని నిర్మించారు. ఈ సినిమా తాజా అప్డేట్ ను చిత్ర యూనిట్ వెల్లడించింది. ప్రేక్షకులకు స్టార్ బాయ్ సిద్ధు జొన్నలగడ్డ పరిచయం చేయబోతున్నందున వరల్డ్ ఆఫ్ భాగ్ సాలేగా పేరుపెట్టారు. కథలో హీరో ఎందుకు ఛేజింగ్ చేస్తున్నాడు, దాని వెనక గల కారణాలేంటి అనేవి సిద్ధు వాయిస్ ద్వారా ఆసక్తికరంగా ఉండనున్నాయి. భాగ్ సాలే ప్రపంచం ఎలా ఉండబోతోందనేది జూలై 7న థియేటర్స్ లో చూడాలని మూవీ టీమ్ కోరుతోంది.
నటీనటులు: శ్రీ సింహ కోడూరి, నేహా సొలంకి, రాజీవ్ కనకాల, నందిని రాయ్, వైవా హర్ష, సత్య, సుదర్శన్, జాన్ విజయ్, వర్షిణి సౌందరరాజన్, పృథ్వీరాజ్, ఆర్.జె.హేమంత్, బిందు చంద్రమౌళి
