Published 25 Jan 2024
మీరు అధిక బరువు(Heavy Weight)తో బాధపడుతున్నారా? వేగంగా బరువు తగ్గాలంటే ఏం చేయాలి అని ఆలోచిస్తున్నారా? తొందరగా బరువు తగ్గాలంటే కేవలం వ్యాయామాలు చేస్తే సరిపోదు. ఆహారం విషయంలో తగు జాగ్రత్తలు తీసుకోవాలి. బరువు తగ్గడం అంత ఈజీ కాదనే విషయాన్ని గుర్తించుకోవాలి. మన ఆధునిక ఆహారపు అలవాట్లతో భోజనాన్ని ఆరోగ్యకరమైన రీతిలో జీర్ణించుకోలేని పరిస్థితి ఉంటుంది. దాంతో చాలామందిని ఊబకాయం వేధిస్తోంది. అధిక బరువుతో బాధపడేవారు.. వ్యాయామం నుంచి హైడ్రేషన్ వరకు బరువు తగ్గించే లక్ష్యాన్ని త్వరగా చేరుకోవడానికి ఏం చేయాలో ఇప్పుడు తెలుసుకుందాం.
పోషకాహారంతో పాటు వ్యాయామం చేయడం ద్వారా వేగంగా బరువు తగ్గించే కొన్ని పద్ధతులను పాటించడం వల్ల త్వరగా తగ్గవచ్చు. దీర్ఘకాలికంగా ఆరోగ్యంగా ఉండాలంటే తగినంత బరువు కూడా ఉండాలి. చాలామంది వేగంగా బరువు తగ్గడానికి అనేక పద్ధతులు అనుసరిస్తుంటారు. తొందరగా బరువు తగ్గడానికి ఆరు కచ్చితమైన మార్గాలు ఉన్నాయి. అవేంటో వివరంగా తెలుసుకునే ప్రయత్నం చేద్దాం..
ప్రతిరోజు వ్యాయామం తప్పనిసరి :
ప్రతిరోజు క్రమం తప్పకుండా వ్యాయామం చేయడం అనేది అలవాటు చేసుకోవాలి. హృదయసంబంధిత వ్యాయామాలు ఎక్కువగా చేయాలి. కండర పుష్ఠిని పెంచడంతో పాటు జీవక్రియను వేగవంతం చేసే వ్యాయామాలలో ఈత(Swimming), సైక్లింగ్, పరుగు(Running) ఉన్నాయి. స్ట్రెన్త్ ట్రైనింగ్ ద్వారా వేగంగా కేలరీలను బర్న్ చేస్తుంది. వారానికి కనీసం 150 నిమిషాలు మితమైన స్థాయిలో ఏరోబిక్ యాక్టివిటీని చేసేందుకు ప్రయత్నించండి.
నీరు పుష్కలంగా తాగడం :
రోజంతా బాగా హైడ్రేటెడ్‌గా ఉండటానికి నీరు బాగా తాగాలి. మీ శరీరానికి అవసరమైనప్పుడు దాహం అయ్యేలా చేస్తుంది. అది ఆకలిగా పొరపాటు పడుతారు. ఇది అనవసరమైన చిరుతిండికి కారణమవుతుంది కాబట్టి జాగ్రత్తగా ఆలోచించుకోవాలి.
తగినంత నిద్ర అవసరం :
మీరు ప్రతిరోజు రాత్రి సమయంలో ఏడు నుంచి తొమ్మిది గంటల పాటు మంచి నిద్ర ఉండేలా చూసుకోండి. నిద్ర లేకపోవడం వల్ల హార్మోన్ల సమతుల్యత దెబ్బతింటుంది. దాంతో జీవక్రియ నెమ్మదించి అనేక అనారోగ్య సమస్యలు తలెత్తుతాయి. ప్రతి మనిషికి రోజుకు 8 గంటల నిద్ర తప్పనిసరిగా(Mandatory) ఉండాలి.
ఆహారం మితంగా తినండి :
చాలామందికి ఆహారంపై నియంత్రణ ఉండదు. ఏది పడితే అది తెగ తినేస్తుంటారు. ఆహారాన్ని మితంగా తీసుకోవడంతోపాటు ఆకలిగా ఉన్నప్పుడు తప్ప మిగతా సమయాల్లో అదేపనిగా తినకూడదు. అతిగా తినడాన్ని నివారిస్తూ సాత్విక ఆహారాన్ని మాత్రమే తీసుకోండి. మీ శరీరం సూచించే సంకేతాలపై శ్రద్ధ వహించండి.
సమతుల్య ఆహారం :
ఆరోగ్యకరమైన సమతుల్య ఆహారాన్ని తీసుకోవాలి. తృణధాన్యాలు(Millets), పండ్లు(Fruits), కూరగాయలు, లీన్ ప్రోటీన్లతో సహా పూర్తి ప్రాసెస్ చేయని ఆహారాలను ఎక్కువగా తీసుకోండి. తక్కువ ప్రాసెస్ చేసిన కార్బోహైడ్రేట్లు, తక్కువ చక్కెరలు, అధిక కేలరీల స్నాక్స్ మాత్రమే తినండి.
కేలరీలు తగ్గించుకోవాలి :
మీరు బరువు తగ్గడానికి.. మీ శరీరం బయటకు పంపే దానికంటే తక్కువ కేలరీలు తీసుకోవాలి. మీ రోజువారీ కేలరీలపై నియంత్రణ ఉండాలి. తద్వారా వాటిని తగ్గించుకోవచ్చు. మీరు తినే కేలరీల రకాలపై కూడా శ్రద్ధ వహించండి.
పైన తెలిపిన విధంగా సరైన పద్ధతులను పాటించడం ద్వారా అధిక బరువుతో బాధపడేవారు తొందరగా బరువును తగ్గించుకోవచ్చు. కేవలం వ్యాయామం చేస్తే సరిపోదు.. దానికి తగ్గట్టుగా ఆహార నియమాలు కూడా తప్పనిసరిగా పాటించాలి. అప్పుడే తొందరగా బరువు తగ్గేందుకు సాధ్యపడుతుంది.
