నోబెల్ శాంతి బహుమతి గెలిచిన వెనెజులా విపక్ష నేత మరియా కొరీనా మచడో తీవ్ర చిక్కుల్లో పడ్డారు. డిసెంబర్ 10న అవార్డు స్వీకరణకు అజ్ఞాతం వీడి నార్వే వెళ్తే.. పరారీలో ఉన్న నేరస్థురాలిగా ప్రకటిస్తామని ఆ దేశ అటార్నీ జనరల్ హెచ్చరించారు. కుట్రలు, ఉగ్రవాదం వంటి తీవ్ర అభియోగాలు ఆమెపై ఉన్నాయన్నారు. వెనెజులా ‘ఐరన్ లేడీ’ మచడో.. దేశ అధ్యక్ష పోటీదారు. విపక్షాలన్నింటినీ ఏకం చేసినా 2024లో అధ్యక్షుడు నికోలస్ మదురోపై పోటీ చేయనివ్వలేదు. నియంతృత్వంపై పోరాటానికి ఆమెకు ‘నోబెల్’ దక్కింది. 20 ఏళ్ల క్రితమే సుమాటే అనే సంస్థను స్థాపించి స్వేచ్ఛాయుత, నిష్పక్షపాత ఎన్నికల కోసం ప్రయత్నాలు చేశారు.
