WhatsApp Messages : ప్రముఖ మెసేజింగ్ యాప్ వాట్సాప్.. యూజర్ల కోసం ప్రత్యేకించి సరికొత్త ఫీచర్లను ప్రవేశపెడుతోంది. ఒకే ప్లాట్‌ఫారమ్ ద్వారా ఛాట్, కాల్, వీడియో కాల్, ఇతర వ్యక్తులతో కనెక్ట్ చేయవచ్చు. అంతే కాదు, స్టేటస్ వంటి ఫీచర్లను కూడా కాంటాక్ట్‌లతో షేర్ చేసుకోవచ్చు. యూపీఐ(UPI) పేమెంట్లు(Payments) కూడా కొన్ని సెకన్లలో ఎవరికైనా డబ్బు పంపుకోవచ్చు. వాట్సాప్‌లో ఎవరికైనా మెసేజ్ పంపాలంటే ముందుగా వారి నంబర్‌ను సేవ్ చేసి తర్వాత మెసేజ్ చేయడం కుదురుతుంది. మీ ఫోన్లలో కాంటాక్టు సేవ్ చేయకుండా ఏదైనా నంబర్‌కు మెసేజ్ పంపగల సామర్థ్యాన్ని అందించే ప్రత్యేకమైన ఫీచర్ ఏదీ వాట్సాప్‌లో అందుబాటులో లేదు. కానీ, మీరు సేవ్ చేయకూడదనుకునే కాంటాక్టులకు మెసేజ్ పంపడానికి కొన్ని టిప్స్ అందుబాటులో ఉన్నాయి. సెల్ఫ్ ఛాట్ విండోను ఉపయోగించి ఫోన్ నంబర్‌ను సేవ్ చేయకుండా వాట్సాప్ మెసేజ్‌లను పంపుకోవచ్చు. ముఖ్యంగా, మీరు మెసేజ్ చేయాలనుకుంటున్న ఫోన్ నంబర్‌కు వాట్సాప్ అకౌంట్ ఉందని నిర్ధారించుకోండి.
– వాట్సాప్ యాప్‌ను తెరవండి.
– ఇప్పుడు ఎగువ కుడి మూలలో ఉన్న సెర్చ్ ఐకాన్ నొక్కండి.
– కాంటాక్టుల్లో లేదా సెర్చ్ బాక్సులో ‘సెల్ఫ్ మెసేజ్’ ఛాట్ ఆప్షన్ ఎంచుకోండి. ఆపై ‘You’ అని టైప్ చేయండి.
– సేవ్ చేయని ఫోన్ నంబర్‌ను మీ ‘Self Chat’ విండోలో రాయండి లేదా Paste చేసి Send నొక్కండి.
– మెసేజ్ పంపిన తర్వాత ఫోన్ నంబర్ బ్లూ కలర్‌లో కనిపిస్తుంది.
– ఫోన్ నంబర్‌పై నొక్కండి ‘Chat With’ ఆప్షన్ నొక్కండి.
– ఆ నంబర్‌తో కూడిన ఛాట్ విండో ఓపెన్ అవుతుంది.
గ్రూప్ ఛాట్ ద్వారా ఫోన్ నంబర్‌ను సేవ్ చేయకుండా వాట్సాప్ మెసేజ్ పంపండి :
– వాట్సాప్ గ్రూప్ ఛాట్ ను తెరవండి.
– మీరు టెక్స్ట్ చేయాలనుకుంటున్న యూజర్ కూడా గ్రూపులో ఉండాలి.
– మీరు టెక్స్ట్ చేయాలనుకుంటున్న నంబర్‌ను ఓపెన్ చేసేందుకు కిందికి స్క్రోల్ చేయండి. ఆపై ట్యాప్ నొక్కండి.
– పాప్ అప్ విండోలో ‘Message’ ఆప్షన్ ట్యాప్ చేయండి.
-మెసేజ్ చేయాల్సిన యూజర్ ఛాట్ విండో ఓపెన్ అవుతుంది.
వాట్సాప్ వెబ్ బ్రౌజర్‌ని ఉపయోగించి ఫోన్ నంబర్‌ను సేవ్ చేయకుండా వాట్సాప్ మెసేజ్ పంపండి :
– మీ ఫోన్‌లో వెబ్ బ్రౌజర్‌ని ఓపెన్ చేయండి.
– http://wa.me/91xxxxxxxxx’ లింక్‌ని టైప్ చేసి ఎంటర్ చేయండి. (ప్రారంభంలో కంట్రీ కోడ్‌తో ఫోన్ నంబర్‌ను ‘XXXXX’లో టైప్ చేయండి.
– ఉదాహరణకు https://wa.me/911253872569″ అని ఇలా టప్ చేయండి.
– మీరు వాట్సాప్ స్క్రీన్‌కి రీడైరెక్ట్ అవుతారు. ఆ నంబర్‌తో ఛాట్ విండోను ఓపెన్ చేసేందుకు ‘Continue Chat’ గ్రీన్ బటన్‌పై క్లిక్ చేయండి.
Truecaller ఉపయోగించి ఫోన్ నంబర్‌ను సేవ్ చేయకుండా వాట్సాప్ మెసేజ్ పంపండి :
మీరు ట్రూకాలర్‌ని ఉపయోగిస్తుంటే.. కాంటాక్ట్ నంబర్‌ను సేవ్ చేయకుండా నేరుగా ఏదైనా సేవ్ చేయని కాంటాక్ట్‌కు మెసేజ్ చేయడానికి యాప్ మిమ్మల్ని అనుమతిస్తుంది.
– మీ ఫోన్‌లో Truecaller యాప్‌ని తెరవండి.
– మీరు ఛాట్ చేయాలనుకుంటున్న వ్యక్తి ఫోన్ నంబర్‌ను టైప్ చేసి సెర్చ్ చేయండి.
– Truecaller యూజర్ ప్రొఫైల్‌ను ఓపెన్ అవుతుంది.
– ప్రొఫైల్ కింది భాగంలో కిందికి స్క్రోల్ చేయండి. వాట్సాప్ బటన్‌పై నొక్కండి
– వాట్సాప్ ఛాట్ విండో ఓపెన్ అవుతుంది.
ఐఫోన్‌లో ఫోన్ నంబర్‌ను సేవ్ చేయకుండానే వాట్సాప్ మెసేజ్ పంపండి :
– మీ iPhoneలో ‘ఆపిల్ షార్ట్‌కట్‌ యాప్’ను ఓపెన్ చేయండి.
– ‘Add shortcut’ బటన్‌పై నొక్కండి.
– నాన్-కాంటాక్ట్ షార్ట్‌కట్‌కు వాట్సాప్ ఇన్‌స్టాల్ చేయండి.
– ఇన్‌స్టలేషన్ తర్వాత దానిపై నొక్కండి.
– Choose recipient అనే పాప్-అప్ కనిపిస్తుంది.
– “Choose recipient”లో కంట్రీ కోడ్ (+91)తో మొబైల్ నంబర్‌ను టైప్ చేయండి.
– వాట్సాప్ చాట్ ఓపెన్ అవుతుంది. మీరు ఆ వ్యక్తికి మెసేజ్ పంపవచ్చు.
