టాప్ కమాండర్లు మల్లోజుల, ఆశన్న లొంగుబాటు, హిడ్మా ఎన్ కౌంటర్ తో బలహీనమైన మావోయిస్టు పార్టీ సంచలన ప్రకటన చేసింది. జనవరి 1న ఆయుధాలు వదిలి లొంగిపోతామని ప్రకటించింది. మహారాష్ట్ర, మధ్యప్రదేశ్, ఛత్తీస్ గఢ్(MMC) జోన్ ప్రతినిధి అనంత్ పేరిట లేఖ విడుదలైంది. లొంగిపోవడం, చచ్చిపోవడమే మార్గాలంటూ భద్రతా బలగాలు చేపట్టిన వేటలో ఎందరో కన్నుమూశారు. ఈ ఏడాదిలో 1,300 దాకా లొంగిపోగా 270 మంది ఎన్ కౌంటర్లలో ప్రాణాలు కోల్పోయారు. నంబాల కేశవరావు, చలపతి, భాస్కర్‌ రావు వంటి ఎందరో అగ్రకమాండర్లు నేలకొరిగారు. 25 ఏళ్లకు పైగా దాడులతో భద్రతా బలగాలకు కొరకరాని కొయ్యగా మారిన హిడ్మా మరణంతో పరిస్థితుల్లో మార్పు వచ్చింది. 2026 మార్చి 31 లోపు దేశంలో నక్సలిజం లేకుండా చేస్తామన్న హోంమంత్రి అమిత్ షా మాటలు నిజమయ్యాయి.
