Published 25 Jan 2024
వివిధ రంగాల్లో ప్రతిభ కనబరిచే వారికి ఏటా అందజేసే పురస్కారాల్ని ఈసారి సైతం కేంద్ర ప్రభుత్వం ప్రకటించింది. తెలంగాణకు చెందిన పలువురు కళాకారులకు పద్మశ్రీ(Padmasri) అవార్డుల్ని కట్టబెడుతూ మోదీ సర్కారు నిర్ణయం తీసుకుంది. దేశవ్యాప్తంగా మొత్తం 34 మంది సేవల్ని గుర్తించి వారి పేర్లను అధికారికంగా వెల్లడించింది.
నారాయణపేట జిల్లా దామరగిద్దకు చెందిన బుర్రవీణ కళాకారుడు(Artist) దాసరి కొండప్పకు పురస్కారాన్ని ప్రకటించింది. అటు జనగామకు చెందిన యక్షగాన కళాకారుడు గడ్డం సమ్మయ్యను సైతం ఈ అవార్డుకు ఎంపిక చేశారు. గణతంత్ర దినోత్సవ వేడుకల సందర్భంగా తమకు ఈ ప్రతిష్ఠాత్మక అవార్డులు దక్కడం పట్ల కళాకారులు సంతోషం వ్యక్తం చేస్తున్నారు.
