ప్రధాని మోదీని ఇంటిపేరుతో విమర్శించిన కాంగ్రెస్ అగ్రనేత రాహుల్ గాంధీకి… గుజరాత్ హైకోర్టులోనూ చుక్కెదురైంది. పరువు నష్టం కేసులో తనకు విధించిన శిక్షను నిలిపివేయాలంటూ వేసిన పిటిషన్ ను గుజరాత్ హైకోర్టు కొట్టివేసింది. ఈ కేసులో సెషన్స్ కోర్టు ఇచ్చిన తీర్పును సమర్థించింది. ఈ కేసులో కోర్టు శిక్ష విధించడం కరెక్టేనని, దీన్ని నిలిపివేసేందుకు ఎలాంటి కారణాలు లేవంటూ హైకోర్టు పేర్కొంది. జైలు శిక్షపై స్టే ఇవ్వకపోవడంతో రాహుల్ పై అనర్హత వేటు కొనసాగుతున్నది.
ఏమిటీ కేసు…!
నరేంద్ర మోదీని ఇంటి పేరుతో విమర్శించిన తీరుపై గుజరాత్ BJP MLA పూర్ణేశ్ మోదీ సూరత్ సెషన్స్ కోర్టులో పిటిషన్ వేశారు. కేసును పరిశీలించిన న్యాయస్థానం.. రాహుల్ గాంధీకి రెండేళ్ల జైలు శిక్ష విధించింది. అనంతరం రాహుల్ కు బెయిల్ మంజూరు చేసిన కోర్టు… అప్పీల్ కోసం 30 రోజుల గడువు ఇచ్చింది. గుజరాత్ హైకోర్టు ఇచ్చిన ఆదేశాలపై సుప్రీంకోర్టులో తేల్చుకోవాలని కాంగ్రెస్ పార్టీ భావిస్తోంది.
