భారత జట్టు తీరు టెస్టుల్లో దారుణంగా తయారైంది. ఆడుతున్నది సొంతగడ్డపైనా లేక విదేశాల్లోనా అన్న అనుమానం కలుగుతోంది. గువాహతిలో జరుగుతున్న రెండో టెస్టులో తొలుత దక్షిణాఫ్రికా 489 పరుగుల భారీ స్కోరు చేస్తే మనవాళ్లు 105కే 5 వికెట్లు పారేసుకున్నారు. జైస్వాల్(58) కాసేపు ఆడితే రాహుల్(22), సుదర్శన్(15), జురెల్(0), పంత్(7) ఇలా వచ్చి అలా వెళ్లారు. యాన్సెన్, హార్మర్ రెండేసి చొప్పున, కేశవ్ ఒక వికెట్ తీసుకున్నారు. తొలి టెస్టులోనూ మన జట్టు 30 రన్స్ తేడాతో ఓడింది. ఫాలో ఆన్ తప్పించుకోవాలంటే జడేజా, నితీశ్, సుందర్ నిలబడాల్సి ఉంటుంది.
