సీజన్ మొదలైంది… శకం ముగిసింది… A Season Begins, An Era End

ఐపీఎల్(Indian Premier League) 17వ సీజన్ మెగా సంబరం ఇంకొన్ని గంటల్లోనే ప్రారంభం కానుంది. సీజన్ స్టార్ట్ అవుతుందని ఒకపక్క క్రికెట్ అభిమానుల్లో ఆనందం కనిపిస్తుంటే మరోవైపు ఒక లెజండరీ కెప్టెన్సీ ముగిసిపోతుందన్న బాధ వ్యక్తమవుతున్నది. క్రికెట్ ఫ్యాన్స్ మదిలో చిరకాలం నిలిచిపోయే ఆ వ్యక్తే మహేంద్ర సింగ్ ధోని. చెన్నై సూపర్ కింగ్స్ కు ఐదు కప్పులు అందించిన ధోని.. ఇకనుంచి ఐపీఎల్ లో సాధారణ ఆటగాడిగా, కీపర్ గా ఉంటాడు. అటు ముంబయికి ఇదే పరిస్థితి ఎదురైంది. టైటిళ్ల వీరుడిగా నిలిచిన రోహిత్ శర్మ సైతం కెప్టెన్సీ నుంచి తప్పుకోవాల్సి వచ్చింది. ఆటకు సీజన్ మొదలైనా.. కీలక సారథులుగా శకం మాత్రం ముగిసిపోయినట్లయింది.

సీఎస్కే వర్సెస్ ఆర్సీబీ…
17 రోజుల పాటు 21 మ్యాచ్ లు సాగే ఈ మెగా టోర్నీలో ఇవాళ చెన్నై సూపర్ కింగ్స్(CSK), రాయల్ ఛాలెంజర్స్ బెంగళూరు తొలి మ్యాచ్ ఆడతాయి. అత్యంత విజయవంతమైన సారథి(Captain)గా చెన్నై సూపర్ కింగ్స్ కు ఐదు టైటిళ్లు అందించిన ధోని.. IPL  కెప్టెన్సీ నుంచి తప్పుకోవడంతో అతడి స్థానంలో రుతురాజ్ గైక్వాడ్ బాధ్యతలు చేపడుతున్నాడు.

తొలి దశ మ్యాచ్ ల షెడ్యూల్ ఇలా…