టీమ్ఇండియా దారుణంగా ఓడిపోయింది. పేకమేడలా వికెట్లు కూలడంతో దక్షిణాఫ్రికాకు ఏ మాత్రం పోటీ ఇవ్వలేకపోయింది. జూనియర్ జట్టులా ఆడిన తీరు అభిమానుల్ని ఆవేదనకు గురిచేసింది. 6 వికెట్లతో దెబ్బ తీసిన హార్మర్ ముందు ఒక్క జడేజా(54)నే హాఫ్ సెంచరీతో నిలబడ్డాడు. 549 లక్ష్యంలో కనీసం 149 కూడా చేయలేక అదీ సొంతగడ్డపై 140కే చేతులెత్తేశారు. 408 పరుగుల భారీ తేడాతో గెలిచిన సౌతాఫ్రికా(South Africa) రెండు టెస్టుల సిరీస్ ను 2-0తో వైట్ వాష్ చేసింది. తొలి ఇన్నింగ్స్ లో సౌతాఫ్రికా 489, భారత్ 201 చేశాయి. రెండో ఇన్నింగ్స్ లో ఆ జట్టు 260/5కి డిక్లేర్ చేసింది.
