కొత్తగూడెం MLA వనమా వెంకటేశ్వర్ రావుపై హైకోర్టు అనర్హత వేటు వేసింది. ఆయన ఎన్నిక చెల్లదంటూ తీర్పునిచ్చింది. జలగం వెంకట్రావును కొత్తగూడెం MLAగా ప్రకటిస్తూ ఉత్తర్వులు వెలువరించింది. 2018 ఎన్నికల్లో వనమా వెంకటేశ్వర్ రావు ఎమ్మెల్యేగా ఎన్నికయ్యారు. అయితే దీన్ని సవాల్ చేస్తూ మాజీ MLA అయిన జలగం 2019లో హైకోర్టును ఆశ్రయించారు. ఎన్నికల అఫిడవిట్ లో రాంగ్ ఇన్ఫర్మేషన్ ఇచ్చారని, ఆయన ఎన్నికను రద్దు చేయాలని కోరారు.
ఈ పిటిషన్ పై ఈ రోజు కోర్టు విచారణ చేపట్టింది. సుదీర్ఘమైన విచారణ జరిపిన అనంతరం వనమా ఎన్నికను తోసిపుచ్చింది. 2018 ఎలక్షన్ అఫిడవిట్ లో వనమా వెంకటేశ్వర్ రావు అవినీతికి పాల్పడినట్లుగా నిర్ధారించింది. ఎన్నికను రద్దు చేసి జలగం వెంకట్రావును MLAగా ప్రకటించింది. అంతేకాకుండా వనమా వెంకటేశ్వర్ రావుకు రూ.5 లక్షల జరిమానా విధించింది.
