రాష్ట్రవ్యాప్తంగా విపరీతంగా పెరుగుతున్న చలి(Cold)తో ఉష్ణోగ్రతలు(Temperatures) అంతకంతకూ పడిపోతున్నాయి. క్రమంగా సింగిల్ డిజిట్(Single Digit)కు చేరుకుంటున్నాయి. రంగారెడ్డి, వికారాబాద్, సంగారెడ్డి, కామారెడ్డి, ఆదిలాబాద్, ఆసిఫాబాద్, సిరిసిల్ల, సిద్దిపేట, మెదక్ జిల్లాల్లో 10 నుంచి 12 డిగ్రీల కనిష్ఠ ఉష్ణోగ్రతలు రికార్డయ్యాయి. హైదరాబాద్ లోని ఇబ్రహీంపట్నం మంగళపల్లెలో 11.4, రాజేంద్రనగర్లో 12.4, BHELలో 12.8 డిగ్రీలు నమోదైంది.
ఇక భాగ్యనగర ఉత్తర, దక్షిణ ప్రాంతాల్లో 13 నుంచి 15 డిగ్రీల సెల్సియస్ రికార్డయింది. వచ్చే ఎనిమిది రోజుల పాటు ఇలాగే ఉండే అవకాశముందని వాతావరణ శాఖ అంచనా వేసింది. మెదక్ జిల్లా కోహిర్లో మరీ తక్కువగా 10 డిగ్రీల లోపు ఉష్ణోగ్రతలున్నట్లు తెలుస్తున్నది.
