పశ్చిమ-మధ్య, వాయువ్య బంగాళాఖాతంలో అల్పపీడనం ఏర్పడి 48 గంటల్లో బలపడనుండటంతో అతి భారీ నుంచి అత్యంత భారీ(Very Heavy) వర్షాలు కురుస్తాయని హైదరాబాద్ వాతావరణ కేంద్రం తెలిపింది. ఈనెల 13న పొద్దున్నుంచి 14 ఉదయం వరకు హన్మకొండ, జనగామ, మహబూబాబాద్, వరంగల్, యాదాద్రి భువనగిరి జిల్లాలకు ‘రెడ్ అలర్ట్’ జారీ చేసింది. మరో 9 జిల్లాలైన భద్రాద్రి కొత్తగూడెం, హైదరాబాద్, జయశంకర్ భూపాలపల్లి, కరీంనగర్, మేడ్చల్-మల్కాజిగిరి, ములుగు, పెద్దపల్లి, రంగారెడ్డి, సిద్దిపేట జిల్లాలో భారీ నుంచి అతి భారీ వర్షాలకు అవకాశం ఉండటంతో ‘ఆరెంజ్ అలర్ట్’ ప్రకటించింది.
