పాఠశాలల్లో తెలుగు మాధ్యమాన్ని తప్పనిసరి చేస్తూ రాష్ట్ర ప్రభుత్వం కీలక నిర్ణయం తీసుకుంది. CBSE, ICSE, ఐబీ సహా ఇతర బోర్డు స్కూళ్లల్లో తెలుగును తప్పనిసరి చేస్తూ ఉత్తర్వులు(Orders) ఇచ్చింది. తెలుగు సబ్జెక్టును తప్పనిసరిగా బోధించాలని విద్యాశాఖ స్పష్టం చేసింది. 2025-26 విద్యా సంవత్సరం నుంచి తొమ్మిదో తరగతి.. 2026-27 నుంచి పదో తరగతికి అమలు చేయాలని ఆదేశించింది. CBSE పాఠశాలల్లో సులువైన బోధనకు సులభతర వాచకం వెన్నెలను ఉపయోగించాలని ఉత్తర్వుల్లో తెలియజేసింది. తెలుగుపై ఆసక్తి చూపేవారు, ఇతర రాష్ట్రాల నుంచి వచ్చి చదువుకునే వారికి సులభతర(Simple) తెలుగు వాచకం సహకారి కానుంది.
Wonderful