కేంద్ర హోంశాఖ సహాయ మంత్రి బండి సంజయ్.. మెగాస్టార్ చిరంజీవి కలిశారు. జూబ్లీహిల్స్ లోని చిరు నివాసానికి వెళ్లిన సంజయ్ ను సన్మానించారు మెగాస్టార్. ఆ తర్వాత పరస్పరం అభినందనలు తెలియజేసుకున్నారు.
‘సంజయ్ గారు.. మీరు ఎంతో కష్టపడి పైకొచ్చారు.. మంత్రి కావడం చాలా ఆనందంగా ఉంది.. మీ దూకుడు స్వభావానికి తగ్గ పోస్ట్ దక్కింది.. AP సీఎం ప్రమాణస్వీకారం వేళ తమను దగ్గరకు తీసుకుని మరీ మోదీ పలకరించడం మరచిపోలేని అనుభూతి’ అంటూ చిరు కొనియాడారు.
‘నేను స్టూడెంట్ గా ఉన్నప్పుడే మీ సినిమాలకు అభిమానిని.. APలో TDP-జనసేన-BJP కూటమి మంచి ఫలితాలు సాధించింది.. ప్రజలకు మంచి పాలన అందిస్తారని ఆశిస్తున్నా..’ అంటూ సంజయ్ ఆయన్ను ప్రశంసించారు.
APలో కూటమి అధికారంలోకి వచ్చిన తర్వాత చిరంజీవికి BJP నుంచి రాజ్యసభ సీటు దక్కుతుందన్న ప్రచారం జరిగింది. ఇలాంటి వాతావరణంలో బండి సంజయ్ చిరంజీవిని ఆయన ఇంటికి వెళ్లి కలవడం ప్రాధాన్యం సంతరించుకుంది.
