కింగ్ ఖాన్ షారుఖ్ ఖాన్ అప్‌కమింగ్ మూవీ ‘జవాన్’. సౌత్ డైరెక్టర్ అట్లీ తెరకెక్కించిన ఈ చిత్రం సెప్టెంబర్ 7న విడుదల కానుంది. ఇటీవలే ట్రైలర్ విడుదల చేసిన మేకర్స్.. తాజాగా తెలుగు ప్రివ్యూను రిలీజ్ చేశారు. ఇందులో యాక్షన్ సీన్లు అద్భుతంగా ఉన్నాయి. ప్రత్యేకించి షారుఖ్ రెండు మూడు డిఫరెంట్స్ గెటప్స్‌లో కనిపించి స్టోరీపై ఆసక్తి కలిగించారు. కానీ అసలు పాయింట్ ఏంటి అనేది మాత్రం రివీల్ కాకుండా జాగ్రత్తపడ్డారు. కానీ కొంతమంది అమ్మాయిల బృందానికి తను నాయకత్వం వహిస్తాడని మాత్రం అర్థమవుతోంది. వాళ్లతో ఏదో మిషన్ కంప్లీట్ చేయడానికి ప్లాన్ చేసినట్లుగా కొన్ని సీన్లను బట్టి స్పష్టమైంది.
అయితే ఈ ప్రివ్యూ చివరలో షారుఖ్.. గుండు గెటప్‌లో కనిపించడం ఆసక్తికరంగా మారింది. ఇక ఈ చిత్రంలో మక్కల్ సెల్వన్ విజయ్ సేతుపతి విలన్ రోల్ పోషించగా, నయనతార కథానాయికగా నటిస్తోంది. ఒక పర్టిక్యులర్ సీన్‌లో ఈ లేడీ సూపర్ స్టార్ ఎంట్రీ అదిరిపోయింది. అంతేకాదు ‘పఠాన్’ మూవీలో షారుఖ్ సరసన నటించిన దీపికా పదుకొణె సైతం అతిథి పాత్రలో కనిపించనుంది. అలాగే ప్రియమణి స్పెషల్ రోల్‌లో మెరవనుంది.
ఇక రెడ్ చిల్లీస్ ఎంటర్‌టైన్‌మెంట్ పతాకంపై షారుఖ్ భార్య గౌరీ ఖాన్ ఈ చిత్రాన్ని నిర్మించింది. అనిరుధ్ రవిచందర్ ఈ చిత్రానికి మ్యూజిక్ అందించగా.. హిందీ, తమిళం, తెలుగు వెర్షన్స్‌లో సెప్టెంబర్ 7న విడుదల కానుంది.
