మహిళల అండర్-19 టీ20 వరల్డ్ కప్(Women U-19)లో తెలంగాణ యువతి ప్రపంచ రికార్డు సాధించింది. స్కాట్లాండ్ తో కౌలాలంపూర్లో జరిగిన సూపర్ సిక్స్ మ్యాచులో భద్రాచలం అమ్మాయి గొంగడి త్రిష సెంచరీ(ఫాస్టెస్ట్)తో చరిత్ర సృష్టించింది. ఆమె మెరుపు సెంచరీ(110; 59 బంతుల్లో 13×4, 4×6)తో భారత్ సైతం రికార్డు స్కోరు నమోదు చేసింది. 53 బంతుల్లోనే సెంచరీ కంప్లీట్ చేసి U-19 వరల్డ్ కప్ లో శతకం చేసిన తొలి ప్లేయర్ గా నిలిచింది. ఓపెనర్ గా కమలినితో క్రీజులోకి దిగిన త్రిష తొలి వికెట్ కు 147 పరుగులు జోడించింది. ఈ ఇద్దరి దాడితో మహిళల టీమ్ 208/1తో మ్యాచ్ ముగించింది.
తర్వాత భారీ టార్గెట్ తో బరిలోకి దిగిన స్కాట్లాండ్ 14 ఓవర్లలో 58 పరుగులకే ఆలౌటై 150 రన్స్ తేడాతో దారుణ ఓటమిని మూటగట్టుకుంది. బ్యాటింగ్ లో సెంచరీతో చరిత్ర సృష్టించిన త్రిష.. బౌలింగ్ లోనూ మూడు వికెట్లు తీసుకుని ఆల్ రౌండ్ ప్రదర్శన చేసింది. ఇక ఆయుషి శుక్లా సైతం 4 వికెట్లు తీసుకోవడంతో స్కాట్లాండ్ జట్టులో ఇద్దరు మాత్రమే 12 పరుగుల చొప్పున చేసి హయ్యెస్ట్ స్కోరర్లుగా నిలిచారు.
