చంద్రయాన్-2కు ఫాలోఆన్ మిషన్ గా భావిస్తున్న చంద్రయాన్-3 ప్రయోగానికి సిద్ధమైంది భారత అంతరిక్ష పరిశోధన సంస్థ ISRO. చంద్రుడిపై సేఫ్ గా ల్యాండ్ కావడం, జాబిల్లి ఉపరితలంపై పరిభ్రమించడం వంటి లక్ష్యాలతో ఈ ప్రయోగాన్ని సక్సెస్ చేయాలనుకుంటోంది. లాంఛ్ వెహికిల్ మార్క్-3 ద్వారా మధ్యాహ్నం 2:35 గంటలకు నింగిలోకి రాకెట్ దూసుకెళ్లనుంది. శ్రీహరికోటలోని సతీశ్ ధవన్ స్పేస్ సెంటర్ నుంచి ఈ ప్రయోగం జరుగుతుంది.
చంద్రయాన్-2 పరిణామంతో జాగ్రత్తలు
2019 జులై 22న చంద్రయాన్-2 ప్రయోగం నిర్వహించగా, ఆగస్టు 20న మిషన్ చంద్రుడి కక్ష్యలోకి చేరుకుంది. ల్యాండర్ చంద్రుడిపై దిగాల్సి ఉన్న పరిస్థితుల్లో ఉపరితలానికి సమీపంలో పక్కకు పడిపోయింది. సాఫ్ట్ వేర్ లో ప్రాబ్లమ్స్ ఏర్పడి ఇస్రోతో ల్యాండర్ కు కమ్యూనికేషన్స్ కట్ అయ్యాయి. సరిగ్గా నాలుగేళ్ల తర్వాత అదే సమయంలో ఈ యాత్రకు శ్రీకారం చుడుతుండటం విశేషంగా నిలుస్తోంది. తక్కువ ఇంధన ఖర్చుతోనే జాబిల్లి యాత్ర చేపట్టడానికి అనువైన సౌకర్యాలు ఈ సమయంలో ఉంటున్నందునే జులైని ఎంచుకున్నారు. గత అనుభవం మిగిల్చిన పాఠాలతో ఇప్పుడు చంద్రయాన్-3ని నింగిలోకి పంపేందుకు పూర్తిస్థాయిలో జాగ్రత్తలు తీసుకున్నట్లు శాస్త్రవేత్తలు చెబుతున్నారు.
LVM-3 M4 రాకెట్ తో చంద్రయాన్-3 అంతరిక్ష నౌక అనుసంధాన ప్రక్రియను ఇస్రో సైంటిస్ట్ లు ఈనెల 5న పూర్తి చేశారు. 3,900 కిలోల పేలోడ్ ను రాకెట్ లో అమర్చారు. బెంగళూరులోని UR శాటిలైట్ సెంటర్ నుంచి ఉపగ్రహాన్ని షార్ కు తీసుకువచ్చాక… శాటిలైట్ ప్రిపరేషన్ బిల్డింగ్ లో ల్యాండర్, రోవర్ ప్రొపల్షన్ మాడ్యూల్ తోపాటు వాహక నౌకకు జాయింట్ చేశారు. ఉపగ్రహం 3,84,000 కిలోమీటర్లు ప్రయాణించి చంద్రుని నుంచి 100 కిలోమీటర్ల ఎత్తులోని కక్ష్యకు చేరుకుంటుంది. తర్వాత జాబిల్లి దక్షిణ ధ్రువంలోని నిర్దేశిత ప్రదేశంలో ల్యాండ్ అవుతుందని ఇస్రో తెలిపింది.
