తమిళనాడు తిరువారూర్ జిల్లా కోయిల్ వెణ్ని(తిరువెణ్ని)లోని ‘కరుంబేశ్వరర్’ ఆలయానికి వెళ్తే మధుమేహం తగ్గుతుందని భక్తుల విశ్వాసం. చెరుకు మైదానంలో ఉన్న 1,300 ఏళ్ల నాటి గుడిలో, శివుణ్ని ‘చెరుకు ప్రభువు’ అంటారు. స్వామిని పూజిస్తే చక్కెర వ్యాధి తగ్గుతుందని ప్రతీతి. ఈ ఆలయానికి ప్రత్యేకతనిచ్చేది అక్కడి విలక్షణ శివలింగం. బెల్లం/చక్కెర కలిపిన రవ్వ వంటి ప్రసాదాన్ని చీమలకు అందిస్తారు. అవి తింటుంటే శరీరంలో షుగర్ తగ్గుతుందని విశ్వాసం. శివాభిషేకాలు చెరుకు రసంతోనే చేస్తారు. ఎక్కువసార్లు ఆలయాన్ని సందర్శించాక అనారోగ్య తీవ్రత తగ్గిందని భక్తులు నమ్ముతుంటారు. కుంభకోణం పట్టణానికి 28 కి.మీ., తిరుచిరాపల్లి ఎయిర్ పోర్టుకు 100 కి.మీ. దూరంలో గుడి ఉంది.
