ప్రధానమంత్రి నరేంద్రమోదీ(Narendra Modi) నేడు హైదరాబాద్ వస్తున్నారు. కమలం పార్టీ ఎల్.బి.స్టేడియంలో నిర్వహించే BC ఆత్మగౌరవ సభకు ఆయన హాజరు కానున్నారు. సాయంత్రం 5 గంటలకు ఈ బహిరంగ సభ ప్రారంభం కానుండగా భాగ్యనగర పోలీసులు భారీ బందోబస్తు ఏర్పాట్లు చేస్తున్నారు. రాష్ట్ర BJP నుంచి కీలక నేతలు జారుకుంటున్న వేళ ఈ ఎన్నికల్లో ఓట్లు రాబట్టేందుకు జాతీయ స్థాయి కీలక నేతల్ని రప్పించాలని రాష్ట్ర నేతలు నిర్ణయించారు. తొలుత ప్రధాని సమావేశాలు ముగిసిన తర్వాత మిగతా నేతలు రాష్ట్రానికి రానున్నారు.
మోదీ రానున్న దృష్ట్యా ఈరోజు మధ్యాహ్నం నుంచే ఎల్.బి.స్టేడియం పరిసర ప్రాంతాల్లో ట్రాఫిక్ ఆంక్షలు అమలు చేస్తున్నారు. ఈ సభను విజయవంతం చేసేందుకు రాష్ట్రవ్యాప్తంగా భారీస్థాయిలో పార్టీ కార్యకర్తలు, అభిమానుల్ని రప్పించేలా నాయకులు ఏర్పాట్లు చేసుకుంటున్నారు.
