భారత మహిళా క్రికెటర్ స్మృతి మంధనకు ఊహించని షాక్ తగిలింది. కాసేపట్లో పెళ్లి ఉందనగా ఆమె తండ్రి శ్రీనివాస్ కు గుండెపోటు వచ్చింది. మ్యూజిక్ కంపోజర్ పలాష్ ముచ్చల్ తో 23న వివాహం జరగాల్సి ఉంది.మహారాష్ట్ర సాంగ్లీ సంగ్డోల్లోని ఆమె ఫాంహౌజ్ లో ఘటన జరగ్గా, శ్రీనివాస్ ను ఆస్పత్రి తరలించి పెళ్లి వాయిదా వేశారు. హల్దీ, మెహందీ వేడుకలు సహా ప్రీ-వెడ్డింగ్ షూట్లతో ఆ జంట కొన్నిరోజులుగా సోషల్ మీడియాలో సందడి చేసింది. వధువు-వరుడి తరఫున క్రికెట్ మ్యాచ్ లాడారు. ప్రస్తుతం పెళ్లి వేదిక వద్ద డెకొరేషన్స్ ను తొలగించగా, ఆయన పూర్తిగా కోలుకున్నాకే వివాహం జరిగే అవకాశాలున్నట్లు మంధన సన్నిహితులు అంటున్నారు.
