సోషల్ మీడియాలో కంటెంట్ అప్ లోడ్ చేస్తున్నారా.. ఇక జాగ్రత్త. ఇకనుంచి మీ ప్రతి కంటెంట్ కూ వాచ్ డాగ్ ఉండబోతున్నారు. అప్ లోడ్ చేసే ప్రతి అంశానికి జవాబుదారీ ఉండాలని సుప్రీంకోర్టు ఆదేశించింది. ‘సొంత ఛానల్ పెట్టుకుంటా.. జవాబుదారీగా ఉండను అంటే కుదరదు.. అలాంటివారికి కోలుకోలేని షాక్ ఇచ్చే వ్యవస్థ ఉండాలి.. 18 ఏళ్లు పైబడ్డ వారికి మాత్రమే కాదు, ఎవరికీ పనికిరాని చెత్త కంటెంట్ అని చెప్పేలా చర్యలుండాలి..’ అని ఘాటుగా అన్న CJI ధర్మాసనం.. నిబంధనల కోసం కేంద్రానికి 4 వారాల సమయమిచ్చింది. ‘దేశ వ్యతిరేకమైందిగా భావిస్తే సృష్టికర్త బాధ్యత వహిస్తారా.. అధికారులు స్పందించేసరికే అది లక్షలాది మందికి చేరిపోతుంది..’ అని జస్టిస్ జోయ్ మాల్యా బాగ్చి అన్నారు. వాక్ స్వాతంత్ర్యం అమూల్యమైన హక్కే, కానీ అది వక్రీకరణకు దారితీయకూడదు అంటూ కేంద్రం తరఫున సొలిసిటర్ జనరల్ తుషార్ మెహతా గుర్తు చేశారు.
